TARHI MISRA: Zainab ne deene haq ka moqaddar jaga diya

TARHI MISRA: Zainab ne deene haq ka moqaddar jga diya

Misra By: Janab Altaf Haidari Maroofi Sahab

Tarikh: April 2016

1
Janab Anees Sahab.

Bujhti shamae deen ko kisne jala diya,
Aabid ko kisne shaam talak housla diya....

Kiski rida ke saaye me deen e nabi raha,
Kisne wajud e zulm ko qaidi bana diya...

Paigaam e inqelaab me kiski sada rahi,
Kisne dayaar e shaam me khutba suna diya..

Kiski ziya se shaam e garibaaN chamak uthi,
Kisne Andheri raat ko roushan bana diya,

Daamaan e bayaabaan ko aabaad kar diya,
Kisne aza ka farsh zameeN par bicha diya...

Kisne ragoN me aag bhari inteqaam ki,
Soye huwe zameer ko kisne jaga diya...

Ye kon hai parwarda e aagosh e balaghat,
KhutboN se jisne zulm ko had se gira diya...

Kisne ana ka paath padhaya jahaan ko,
Kisne khilaaf e zulm bhi ladna sikha diya....

Aala fazilatoN se nawaza gaya kise,
Rutbe me kisko rabne Azeema bana diya....

Kisne wajud e zulm ke shaane kalam kiye,
Kiski bahen ne auj e shuja'at dikha diya...

Hai mukhtasar yahi mera paigaam Abr sun,
Zainab ne deen e haq ka muqaddar jaga diya...

2
Janab Ahmad abbas lorpuri sahab.

Qaidi thi khud yzeed ko qaidi bna diya
Binte ali ke khutbe ne sbko hila diya

Baiyyat khdi na ho saki fir apne pao pr
Asghar ne usko aysa  apahij bna diya

Bade husain khwahare shabbeer ka hunar
Zalim k ghar m farsh aza ka bicha diya

Apne lahu se deen ko seecha h is qadar
Zainab ne deene haq ka moqaddar jga diya

3
Janab Zeeshan Azmi sahab.

🌹1. Islaam ko zamane ne kya kya bana diya.
Afsos ke nabi ko ajab sa sila diya.

🌹2. Chakkar me waah waah ke mufsid khateeb ne.
Becharey saamaeen ko kya kya suna diya.

🌹3. Phans kar yaha zamane ke rasmo rawaj me.
Har ek ne ghar ke taaq pe quraa'n saja diya.

🌹4. Matlab parast logo ne kuch apne zikr se.
Insaaniyat ki aql ko kese pha'nsa diya.

🌹5. Kashti hamari qaum ki manzil pe thi magar.
Firqa parast logo ne aa kar dubaa diya.

🌹6. Afsoos jis ko khauf e ilahi nahi hy kuch.
Masjid ka us laee'n ko mohafiz bana diya.

🌹7. Kiyo aaj ittehad nahi anjuman me hy.
jo ahal Mabsabo'n ka tha us ko hataa diya.

🌹8. Ta'leem kuch nahi hy ke qur'aan padh saku'n.
Hala'nke maulavi ne sabaq sab padha diya.

🌹9. Karta hoo madha saniye zahra ki ab shuro.
Jo mere dil me baat thi mene suna diya.

🌹10. Binte Ali ne bachcho ko yu hausala diya.
Jitni talab thi pyas ki us ko mita diya.

🌹11. Binte Ali(s.a) ne aisa, wo khutba suna diya.
Lahja Ali ka saare jahaa'n ko bata diya.

🌹12. Jis ke liye yazid lada tha hussain se.
Abbas ki bahan ne, wo takhta hila diya.

🌹14. Jo apni saltanat ko samajhta raha eram
Zainab ne wo hi shaam ka his'sa jala diya.

🌹15. Ban kar hussain, sham e gariba ke baad me.
Zainab ne  deene haq ka moqaddar jaga diya.

🌹16. Zainab ne tashnagi pe kiya aisa sabr ke
Saare jaha se zulmo sitam ko mita diya.

🌹17. Zainab ne apni chadar e tatheer ke sabab.
Taarikh e karbala ka jahaa'n ko pata diya.

🌹18. Hyder ki laadli ne khitabat ki dhar se.
Jhoothi yazidi shan ko poora baha diya.

🌹19. Dam tod kar sakina ne zindaan e sham me.
Farshe aza yazid ke ghar me bicha diya.

🌹20. Ghar laut ne se pahle wo qasr e yazid par.
Bint e Ali ne deen ka parcham laga diya.

🌹21. Allah ne hussain ki midhat ke wasate.
Zeeshan ko hussain ka shayer bana diya.

4
Maulana Ghafir Rizvi Sahab

Zainab ne dars e sabr o rezayat padha diya.
soya hua zameer e musalma'n jaga diya.
🌹
Khashkoul e faqr dast e sitam me thama diya.
us ka qabeeh chehra jaha'n ko dikha diya.
🌹
Mehmez kar ke asp e tafak'kur ko mad'h me.
Qirtaas ne qalam ko bhi sajda kara diya.
🌹
Khutba tha ya ke matla e toofan e sabr tha.
bunyad e zulm o jour ko yeksar hila diya.
🌹
Apni sada ko lehja e Haider me dhaal kar.
niswaniyat ke mulk ko dars e haya diya.
🌹
Zainab ne dasht e ranj se bazar e Shaam tak.
Ibn e Ali ke naam ka sik'ka chala diya.
🌹
Zanjeer e zulm o jour ne zakhmo'n ki shakl me.
Abid ka jism e naaz gulo'n se saja diya.
🌹
GHAFIR! Uda ke nee'nde'n sitamgar ki aa'nkh se.
Zainab ne deen e haq ka muqad'dar jaga diya.

🌹
زینب نے درسِ صبر و رضایت پڑھا دیا
سویا ہوا ضمیرِ مسلماں جگا دیا
🌹
کشکولِ فقر دستِ ستم میں تھما دیا
اس کا قبیح چہرہ جہاں کو دکھا دیا
🌹
مہمیز کر کے اسپِ تفکر کو مدح میں
قرطاس نے قلم کو بھی سجدہ کرا دیا
🌹
خطبہ تھا یا کہ مطلعِ طوفانِ صبر تھا
بنیادِ ظلم و جور کو یکسر ہلا دیا
🌹
اپنی صدا کو لہجۂ حیدر میں ڈھال کر
نسوانیت کے ملک کو درسِ حیا دیا
🌹
زینب نے دشتِ رنج سے بازارِ شام تک
ابنِ علی کے نام کا سکّہ چلا دیا
🌹
زنجیرِ ظلم و جور نے زخموں کی شکل میں
عابد کا جسمِ ناز گلوں سے سجا دیا
🌹
غافر! اڑا کے نیندیں ستمگر کی آنکھ سے
زینب نے دینِ حق کا مقدّر جگا دیا
🌹

5
Janab Najaf Masoom Marufi Sahab.

Shabbir ki aza ka hame'n silsila diya
Zainab ne humko khuld se bilkul mila diya

Zainab ne chal ke naqshe qadam pe husain ke
Har dushmane husain ka chhakka chura diya

Shabbir ki bahan ka ye ajaz dekhiye
Gu'nge ko bhi zaban chalana
Sikha diya

Jis ghar se bhi nikalti hai badboye bughze shaah
Zainab ne us makan me tala laga diya

Zahra ne deke fizza ko ilme kalaame rab
Ek koyela tarash ke heera bana diya

Kis muh se takhte shaam pe baithe ga ai yazeed
Zainab ne tujhko shaam ka qaidi bana diya

Farshe aza bichhake yazeedi makan me
Zainab ne deene haq ka moqaddar jaga diya

Kursi nasheen uth gaye kursi ko chhod ke
Jis dam ali ki beti ne khutba suna diya

Soye ga kaise chain se ab qatile Husain
Zainab ne unki aankho'n me ka'nta chubha diya

Qurban karke deene mohammad pe har khushi
Zainab ne apne bhai ka wada nibha diya

Jab jab uthaya hamne alamdar ka alam
Abbas ki bahab ne NAJAF hausala diya

5
Janab Altaf Haidari Marufi Sahab.

Thi shahrag e shareeyat e Ahmad lohulohaan

Wo to kaho sagheer ne apna gala diya
🌺
Daa'ish ki aandhiya'n to bahot door ki hain bat

Toofan bhi bujha na sake deen ka diya

6
Janab Nazaa Jafri sahab.
zainab (sa) ne deene huq ka muqaddar jaga diya _

darbar me sitam ke  tehelka macha diya _
bilkul Ali (as) ke lehje me khutba suna diya

sabro raza ke sath rasan basta ho ke bhi
binte Ali (as) ne zulm ko pani bhara diya

koofe me is ne dawate fikro amal ke sath
Haidar (as) ke dushmano ko bhi darse wafa diya

sar kat gaya to huq ki khitabad ke waste
Neze ko bhi husain (as) ne mimbar bana diya

toofane zulm o jor me zinda dili ke sath
de kar zaban gungo.n ko kalma padha diya

bolee.n ye fatema (sa) meri zainab (sa) ke madha khwa.n
ja gulshane jina me tera ghar bana diya

sab kuch luta ke apne muqaddar ko war ke
zainab (sa) ne deene huq ka muqaddar jaga diya

7
Maulana Raza Maroofi Sahab.

1. Fikr e rasa me madh ka aisa jala diya

Jis ki zeya ne dil ko munawwar bana diya1.

Midhat  ki wadiyu'n me qadam jab badha diya

Tab Aayato'n ne badh ke mujhe haosala diya

Kar ke bayan maqsad e shabbeer har jagah

Zainab ne apni fath ka parcham laga diya

Bunyad e zulm hil gai bint e botool ne

Lahje me nurtaza ka jo khutba suna diya

Illa jamila kah ke ba rue bin e zeyad

Taohid aur shirk ka matlab bata diya

Us ko shabih e mursal e Aazam kaha gaya

Parwan jis ko Aap ne zainab chadha diya

Wo phir na uth saka kabhi.dono'n jahan me

Apni nazar se Aap.ne jis ko gira diya

Marqad me dafn hote hi abbas Aa gaye

Rab ne ye teri madh ka mujh ko sela diya

Bachcho'n ko apne bhej ke maidan e jang me

Tu ne baraye shukr mosalla bicha diya

Hamrah leke Aabid e muztar ko shah ke bad

Zainab ne deen e haq ka moqaddar jaga diya

Us eik pal pe sara zamana nesar hai

Tu ne imam e waqt ko jab mashwara diya

Darbar me yazid ke lafzo'n ki Aag se

Baiat ka tu ne sara elaqa jala diya

Zidan ki zameen pe padh kar namaz e shab

Ta'at ka kul jaha'n ko saliqa sikha diya

Khutbat padh ke Aap.ke dil ne ye di sada

Ilm o adab ka Aap ne darya baha diya

Afkar chu na paye'n ge jis ke hodud ko

Rab ne tumhe'n zamane me wo martaba diya

Bad e shahdat e shah e mazloom dahr me

Jo so rahe the Aap ne un ko jaga diya

Is be nawa raza pe hai ehsan Aap ka

Qatra tha is ko Aap ne darya bana diya

فکر رسا میں مدح کا ایسا جلا دیا

جس کی ضیا نے دل کو منور بنادیا

مدحت کی وادیوں میں قدم جب بڑھا دیا

تب آیتوں نے بڑھ کے مجھے حوصلہ دیا

کرکے بیان مقصد شبیر ہر جگہ

زینب نے اپنی فتح کا پرچم لگادیا

بنیاد ظلم ہل گئی بنت بتول نے

لہجے میں مرتضیٰ کے جو خطبہ سنادیا

الا جمیلا کہہ کے بروئے بن زیاد

توحید اور شرک کا مطلب بتا دیا

اس کو شبیہ مرسل اعظم کہا گیا

پروان جس کو آپ نے زینب چڑھا دیا

وہ پھر نہ اٹھ سکا کبھی دونوں جہان میں

اپنی نظر سے آپ نے جس کو گرادیا

مرقد میں دفن ہوتے ہی عباس آگئے

رب نے یہ تیری مدح کا مجھ کو صلہ دی

بچوں.کو اپنے بھیج کے میدان جنگ میں

تو نے برائے شکر مصلّی بچھا دیا

ہمراہ لے کے عابد مضطر کو شہ کے بعد

زینب نے دین حق کا مقدر جگا دیا

اس ایک پل پہ سارا زمانہ نثار ہے

تو نے امام وقت کو جب مشورہ دیا

دربار میں یزید کے لفظوں کی آگ سے

بیعت کا تو نے سارا علاقہ جلا دیا

زندان کی زمین پہ پڑھ کر نماز شب

طاعت کا کل جہاں کو سلیقہ سکھا دیا

خطبات پڑھ کے آپ کے دل نے یہ دی صدا

علم و ادب کا آپ نے دریا بہا دیا

افکار چھو نہ پائیں گے جس کے حدود کو

رب نے تمہیں زمانے میں وہ مرتبہ دیا

بعدِ شہادتِ شہِ مظلوم دہر میں

جو سو رہے تھے آپ نے ان کو جلا دیا

اس بے نوا رضا پہ یہ احسان ہے کردیا

قطرہ تھا اس کو آپ نے دریا بنا دیا

8
Sadiqali Bijani Navshad.

Rab ko ali ke naam ka jab vaasta diya.
Moosa ko aabe neel ne tab raasta diya.

Zulmo sitam ke qasr ko khutbo se dha diya.
Zainab ne deene haqq ka muqaddar jaga diya.

Halkoome zulm kaat ke shamsheere sabr se.
Zaynab ne fat'he deen ka danka baja diya.

Sheeshe ki misl tod ke har kohe zulm ko.
Shirk o nifaaq o kufr ko jad se mita diya.

Khutbo'n se apne binte ali ne yazeed ko.
Farqe husain o aale umayya bata diya.

Waada nibhaaya karke alam deen ka baland.
ghazi ne aisa dehr me darse wafa diya.

Shaytaan muj pe haavi na ho paaya jab talak.
Dil me ali ke ishq ka raushan raha diya.

Har marz ki dava hai yeh kehkar tabeeb ne.
Haatho me mere zarra e khaake shifa diya.

Jannat ka jis kisi ne bhi poochta hai rasta
Navshad ne hai naqsha e karbobala diya.

9
Janab Eram Rizvi Sahab.

Zainab ko charkh e peer ne kiya kiya dikha diya
Gham ka pahaad aal e  muhammad pe dha diya..

Beton  ko  dono kar diya islam pe fida
Zainab ne deen e haq ka muqaddar jaga diya..

Ayin watan jo laut ke zindan e shaam se
Bibi ke shoor o shain ne yasrib hila diya..

Royin  lipat ke qabr e Risalat Maab se
Nana ko dil ka haal tha jo kuch suna diya..

Qabr e Nabi pe Zainab e Kubra ke bain the
Ummat ne ham ko loot ke bekas bana diya..

Phir bhi bacha na payi mai tere Husain ko
Jo kuch bhi mere paas tha nana luta diya..

Nana Sakina mar gayi zindan e shaam me
Furqat ne jiski meri kamar ko jhuka diya..

Qasim shaheed ho gaye Akbar nahi rahe
Dono ne zoor e fatah e Khaibar dikha diya..

Piyasa shaheed ho gaya Asghar Rabab ka
Lekin sipah e shaam ko pani pila diya..

Ahl e haram ki cheen lin aada ne chadaren
Asbaab loot le gaye khaima jala diya..

Abbas mashk bhar ke jo palte furat se
Zalim ne teer maar ke paani baha diya..

Piyasa shaheed kr diya Sibt e Rasool ko
Allah ke sutoon e hidayat ko dha diya..

Piyase gale pe tegh chalayi Husain ke
Hai hai charaagh e qabr e Payambar bujha diya..

Nana tumhari god ke paale ne khoon se
Karb o bla ko qibla e Kaaba bana diya..

10
Janab Masoom Haidari Maroofi sahab.

Abbaas ko jo sheh ne na izne wegha diya

Samjho ki kaynaate khuda ko bacha diya
🌺
Apna gala kata ke bhi marte nahi shaheed

Quraan padhke sheh ne sena par bata diya
🌺
Kar kar ke sajde karbobal se damishq tak
Aabid ne gaam gaam pe kaaba bana diya.

Wassalaam,
-Anees Abr

Tarhi Misra: HAMAARA REHNUMA HAI HAIDARE KARRAR SADYO'N SE. 21 April, 2016

Tarhi Misra: HAMAARA REHNUMA HAI HAIDARE KARRAR SADYO'N SE.

Misra By: Janab Sadiq Ali 'Naushad' Sahab

Tarikh: 21 April, 2016

1
Janab Anees Abr Sahab.

Masarrat konsi hai jiska hai izhaar sadiyoN se,
Kyu shaq hai khana e qaba teri deewaar sadiyoN se..

Rajab ki tervi ko keh utha Hyder(as) se ye qaba,
Me raahe tak raha tha aapki sarkaar sadiyoN se...

Sitam ke mukhtalif chehre huwe baiyat talab lekin,
Ham ehle karbala ka eyk hai inkaar sadiyoN se...

Bala ke dhasht me zaalim ne shaane kaat daale the,
Magar Abbas e Ghaazi hai alambardaar sadiyoN se.

Jo darya se bhi pyasa lout aaye, karbala ke baad,
Mila na khalq me aisa koi rehwaar sadiyoN se...

Khudaya inteqaam e karbala jaldi bapa karde,
Hai pyaasi Hyder e karraar ki talwaar sadiyoN se...

Tumhare eyk khutbe ka asar aisa huwa Zainab(sa),
Pada hai shaam me ujda huwa darbar sadiyoN se...

Sitam thak-haar ke pasti me jaakar gir pada lekin,
Misaal e Sheh(as) wahi hai Sabr ki raftaar sadiyoN se...

Hum unmese nahi hai 'Abr' jo rehbar badalte hai,
Hamare rehnuma hai Hyder e Karraar sadiyoN se...

2
Janab Zeeshan sahab.

🌹 Fiza me gunjati aawaaz ki takraar sadiyo'n se
Yaqinan momino ka hy Ali (a.s) sardar sadiyo'n se

🌹 Rahe sarsabz kyu'n na deen ka gulzar sadiyo'n se
Hifazat kar rahe hain Haidar e karrar (as) sadiyo'n se

🌹 Ali(a.s) ka tazkera karte nahi jo bhi muharram me
Guzarte waqt hy unke yu hi bekaar sadyo'n se

🌹 Khalifa ek do aur teen ka iqraar kaise ho
Meri teenat ko hy yeh ya Ali (a.s) inkaar sadyo'n se

🌹Meri naqis zubaa'n se, kya bayaa'n ho martaba unka
Ali(a.s) ki shaan me jo kahte hain ashaar sadyo'n se

🌹Wilayat se Ali(a.s) ki ho,  jinhe inkaar wo sun le
Unhi se kahti hy ahlan wa sahlan naar sadyo'n se

🌹Mila na dhond ne se peer koi, cheley ko lekin
Hamaara rehnuma hai haydar e qarrar sadyo'n se

🌹Koi kya hum ko dahshat gardi ki taleem de jaaye
Ali (a.s)  ke chahne wale to hain bedaar sadyo'n se

🌹Musalmano ke ghar me hy,  yeh barkat ke liye jab ke.
Uthate fayda qur'aan se agyaar sadyo'n se.

🌹Mai shaydayee Ali(a.s)  ka hoo,  Mujhe Zeeshan kahte hai.
Mere haatho rahi ban ke qalam talwaar sadyo'n se

3
Janab Sadiqali Bijani Navshad Sahab

1
Mulavvis hai ali ke bughz me aghyaar sadyo'n se.
Gulo'n se dushmani karte rahe hai khaar sadyo'n se.
2
Munafiq se hamaari hai yahi takraar sadyo'n se.
Hamaara rehnuna hai haidare karrar sadyo'n se.
3
Ali ke dushmano beshaq tumhare vaaste sunlo
Jahannam me dehakti aag hai tayyar sadyo'n se.
4
Maye hubbe ali ke ham to hai maykhaar sadyo'n se.
Jise peeti hai baytullah ki deevaar sadyo'n se.
5
Na bechenge kabhi ishqe ali ham maal ke badle.
Yeh kehte hai gulaame meesame tammar sadyo'n se.
6
Nabi ki god me aakar ali ne khol di aankhe.
Ke jiske muntazir the ehmade mukhtaar sadyo'n se.
7
Nahi rona hai bid'at deen me ay shykhji sunlo.
Gavaahi ke liye maujood hai ek ghaar sadyo'n se.
8
Dua Navshad ki hai ay imaame waqt ab aao.
Yaqeenan muntazir hai aap ke ansaar sadyo'n se.

4
Janab Najaf Masoom Marufi Sahab.

Hami'n to hai'n gulame misame tammar sadyo'n se
Ali ke ishq ka karte hai'n hum izhar sadyo'n se

Payambar hai'n hamare ahmade mukhtar sadyo'n se
Hamare rahnoma hai'n haidare karrar sadyo'n se

Adu ka khoon peene keliye betab kyu'n na ho
Rakhi hai ghaib me jo haidari talwar sadyo'n se

Mitane se na mit paya nisha'n maulode kaaba ka
Huyi hai is tarah shaq kaabe ke deewar sadyo'n se

Ghame sarwar ko bid'at isliye kahte hai'n ye mufti
Hamare andar bhi qoowate inkar sadyo'n se

Zabane'n kitni kato ge batawo ishqe Haidar me
Hamara bachcha bachcha rahta hai tayyar sadyo'n se

Fanoone shayeri sikha hai maine BAZME SHOARA se
Falak wale bhi padte hai'n mere ash'aar sadyo'n se

Mujhe chalna sikhaya maa ne mere ya ali kah ke
Ali ka wird hai mere liye hathyar sadyo'n se

NAJAF kis tarh jaye'nge bhala wah khuld ke andar
Ali ke bhughz ka karte hai'n jo inkaar sadyo'n se

5
Janab Hasan Utrolvi sahab.

hay jari matam e ibne shahe abrar sadiyon se....
Yazeedi koshishein hoti raho bekaar sadiyon se....
Hamari kya waqt hay jab ki adam a.s bhi ye kehtey hain....
Hamara rahnoma'n hay haider e karrar sadiyon se...

6
Maulana Raza Maroofi Sahab qibla.

Mitane me inhe'n mashghool hai'n aghyar sadyo'n se

Ali wale hai'n phir bhi bar sar e paikar sadyo'n se

Anadil gulsetano'n me gul e imra'n ki midhat me

Sunate Aarahe hai'n Aaj tak ashaar sadyo'n se

Tujhe dikhta nahi'n andha hai tu allah ke ghar ki

Ali ki madh khwa'n hai Aaj.tak deewar sadyo'n se

Salami is liye deti hai'n kashti ko meri maoje'n

Laga rakhkha hai tere nam ka patwar sadyo'n se

Daza dene ki khatir dushman e haidar ko dunya me

Chupi hai parda e ghaibat me ak talwar sadyo'n se

Ali e murtaza haidar ki paidaish ki barkat se

Khoda ka ghar bana hai matla e anwar sadyo'n se

Qata band

Jahannam me kisi.ne jake ye bujahl se pucha

Bhala keu'n Aap sahlate hai'n ye rukhsar sadyo'n se ?

Kaha bujahl ne us se na pucho aey mere peyare

Satata hai mujhe haidar ka wo ek war.sadyo'n se

Saqifai musla'n Aaj rahbar ko taraste hai'n

Hamara rahnuma hai.haidar e karrar sadyo'n se

Ali.ke ishq me jeena Ali.ke Ishq me marna

Moayyan hai bulandi ka yahi.meyar sadyo'n se

Raza jis ke bina mumkin nahi'n bakhshish qayamat me

Hame bakhshi hai haidar ne wahi dastar sadyo'n se

مٹانے میں انھیں مشغول ہیں اغیار صدیوں سے

علی والے ہیں پھر بھی برسرِ پیکار صدیوں سے

عنادل گلستانوں.میں گلِ عمراں کی.مدحت میں

سناتے آرہے ہیں آج تک اشعار صدیوں سے

تجھے دکھتا نہیں اندھا ہے تو اللہ کے گھر کی

علی کی مدح خواں ہے آج تک دیوار صدیوں سے

سلامی اس لئے دیتی ہیں کشتی کو مری موجیں

لگا رکھا ہے تیرے نام کا پتوار صدیوں سے

سزا دینے کی خاطر دشمن حیدر کو دنیا میں

چھپی ہے پردہ غیبت میں اک تلوار صدیوں سے

علی مرتضیٰ حیدر کی پیدائش کی برکت سے

خدا کا گھر بناہے مطلعِ انوار صدیوں سے

قطعہ بند

جہنم میں کسی نے جاکے یہ بو جہل سے پوچھا

بھلا کیوں آپ سہلاتے ہیں یہ رخسار صدیوں سے ؟

کہا بو جہل نے اس سے نہ پوچھو اے میرے پیارے

ستاتا ہے مجھے حیدر کا وہ اک وار صدیوں سے

سقیفائی مسلماں آج.رہبر کو ترستے ہیں

ہمارا رہنما ہے حیدر کرار صدیوں سے

علی کے عشق میں جینا علی.کے عشق میں مرنا

معین ہے بلندی کا یہی.معیار صدیوں سے

رضا جس کے بنا ممکن نہیں بخشش قیامت میں

ہمیں بخشی ہے حیدر نے وہی دستار صدیوں سے

Wassalaam,
-Anees Abr

Tarhi Misra: Madina noor me dooba Reza(as) ke ghar Jawad(as) aaye

Tarhi Misra: Madina noor me dooba Reza(as) k ghar jawad(as) aaye

Misra By: Maulana Mohammed Raza Sahab

Tarikh: 17 April, 2016

1.
Janab Masoom Haidari Maroofi Sahab

Liye chehre pe shaane surae kausar jawaad aaye

Ke bankar fir jawaabe taanae abtar jawaad aaye

Na kyun masoom aakhir dam nikal jae andheron ka

Madina noor me dooba reza k ghar jawad aaye...

2.
Janab Masoom Najaf Maroofi Sahab

Alam sabro raza ka dosh par lekar jawad aaye
Shariyat ke muhafiz dahr me bankar jawad aaye

Zeyaye noor lene arsh se aaye makeene arsh
Madeena noor  me duba Raza ke ghar jawad aaye

3.
Maulana Ghafir Rizvi Sahab

🌹
Riyaaz e qalb e GHAFIR me saba bankar Jawad aaey.
🌹
Tuyoor e fikr raqsaa'n hai'n hamare ghar Jawad aaey.
🌹
Rag o pey me basi hai'n khushbuei'n qur'aan e natiq ki.
🌹
Tilawat kar raha hai sura r kouser Jawad aaey.
🌹🌹🌹🌹🌹

🌹
ریاضِ قلبِ غافر میں صبا بن کر جواد آئے
🌹
طیورِ فکر رقصاں ہیں ہمارے گھر جواد آئے
🌹
رگ و پئے میں بسی ہیں خوشبوئیں قرآنِ ناطق کی
🌹
تلاوت کر رہا ہے سورۂ کوثر جواد آئے
🌹

4.
Janab Zeeshan Syed Sahab

Mere maula mere aaqa mere rahbar Jawaad (a.s) aaye

Mitaane har sitamgar ke fasaad o shar Jawaad (a.s) aaye

ZameeN par arsh se utre, farishtey tahniyat dene

Madina noor me dooba reza k ghar Jawaad (a.s) aaye...

5.
Maulana Mohammad Reza Maroofi Sahab

Khule'n ge sakaro'n ilm o.hunar ke dar kawad Aaye

Sakhawat nutmain hai Aaj ye sun kar jawad Aaye

Na keu'n khira ho'n Aalam ki nigahe'n dekh kar manzar

Mafina noor me duba raza ke ghar jwad Aaye

کھلیں گے سیکڑوں علم ہنر کے در جواد آئے

سخاوت مطمئن ہے آج یہ سن کر جواد آئے

نہ کیوں خیرہ ہوں عالم کی نگاہیں دیکھ کر ممظر

مدینہ نور میں ڈوبا رضا کے گھر جواد آئے

6.
Janab Hasan Raza Sahab

fir is dunya me ek shabbeer ke dilbar jawad aye
laraz uththa yazeed e waqt ye sunkar jawad aye
kaha ye chand se suraj ne chalkar bheek lete hai
madeena noor me duba raza k ghr jawd aye

7.
Janab Hasan Utraulvi Sahab

Muhammad naam hay lekin ali bankar jawwad aaye....
Na phir larza'n ho Q sab dushman e haider jawwad aaye...
Mubarak baad dene aaa rahein hain toor se mosa a.s...
Madina noor me dooba taqi ke ghar jawwad a.s aaye...

Tarhi Misra: Waris E Ilm E Payambar HaiN Naqi(as)

Tarhi Misra: Waris E Ilm E Payambar HaiN Naqi(as)

Misra By: Maulama Mohammad Raza Maroofi Sahab

Taarikh: 14 April 2016

TARHI KALAAM.....WARISE ILMR PAYAMBAR HAIN NAQI

1
Mohammad Raza Maroofi Sahab.

1.  Is liye itne moattar hain naqi

Bagh e ismat ke gul e tar hain naqi

2. Mrva e dil ban gaye bahr e pedar

Bais e taskin e madar hain naqi

3. Dekh kar sabr o raza kahna pada

Waris e shabbir o shabbar hain naqi

4. Tashnagi ka khaof mahshar me nahin

Malik e tasnim o kaosar hain naqi

5. Ho gaya aqwal se in ke aya'n

Ilm o hikmat ka samandar hain naqi

6. Ilm e paighmbar inhin ke pas hai

Yani shahr e ilm ka dar hain naqi

7. Yu'n khade hain zulm ke darbar me

Aisa lagta hai ki haidar hain naqi

8. Taer e afkar ke par jal gaye

Fazl ke kia Aasma'n par hain naqi?!

9. Markaz e adl e elahi in ki zat

Zulm ke sine me nashtar hain naqi

10. Jo tere dar ke gadagar ho gaye

Wo moqaddar ke sikandar hain naqi

11. Isiye in ki zeya.badhne lagi

Mehraba'n bar mah o akhtar hain naqi

12. Tere dar ke fazl aur abdul azeem

Waqt ke salman o buzar hain naqi

13. Jahilo'n ko keya pata in ka maqam

Waris e ilm e payambar hain naqi

14. Is raza e be nawa'n ko dahr me

Tere naqsh e pa moyassar hain naqi.

اس لئے اتنے معطّر ہیں نقی

باغ عصمت کے گلِ تر ہیں نقی

میوہ دل بن گئے بہر پدر

باعث تسکین مادر ہیں نقی

دیکھ کر صبر و رضا کہنا پڑا

وارث شبیر و شبر ہیں نقی

تشنگی کا خوف محشر میں نہیں

مالک تسنیم و کوثر ہیں نقی

ہوگیا اقوال سے ان کے عیاں

علم و حکمت کا سمندر ہیں نقی

علم پیغمبر انھیں کے پاس ہے

یعنی شہر علم کا در ہیں نقی

یوں کھڑے ہیں ظلم کے دربار میں

ایسا لگتا ہے کہ حیدر ہیں نقی

طائرِ افکار کے پر جل گئے

فضل کے کس مرتبے پر ہیں نقی؟!

مرکزِ عدل الٰہی ان کی ذات

ظلم کے سینے میں نشتر ہیں نقی

جو ترے در کے گداگر ہوگئے

وہ مقدر کے سکندر ہیں نقی

اس لئے ان کی ضیاء بڑھنے لگی

مہرباں بر ماہ و اختر ہیں نقی

تیرے در کے فضل اور عبد العظیم

مثل سلمان و ابوذر ہیں نقی

جاہلوں کو کیا پتہ ان کا مقام

وارث علم پیمبر ہیں نقی

اس رضائے بے نوا کو دہر میں

نقشِ پا تیرے میسر ہیں نقی

2
Sadiqali Bijani Navshad.

deene ehmad ka muqaddar hain naqi.
ilm ka behta samandar hain naqi.

2
zarre zarre tere dar ki khaak ke.
khuld ke mehlo'n se behtar hain naqi.

3
aap ke pairo'n ki dono jootya'n.
arsh or kursi ke zevar hain naqi.

4
salabeelo kavsaro tasmeem sab.
aap ke kadmo'n ki thokar hain naqi.

5
aap ke rauze ki galiya'n bil yaqee'n.
khuld ke aywaa'n se badh kar hain naqi.

6
yu'n to sardaare malak jibreel hain.
Ha'n magar tere voh naukar hain naqi.

7
hooro gillmaano malaaik raat din.
banke khaadim tere dar par hain naqi.

8
jaanashine haidare qarrar hain.
or mohammad ke guletar hain naqi.

9
haamile ilme ladunni aap hain.
aap hi qur'aa'n ke mehwar hain naqi.

10
jisne mehdi ko hai paala god me.
aap ki voh nek khwahar hain naqi.

11
ho'n malaaik ya ke ho'n jinno bashar.
do jaha'n ke aap rehbar hain naqi.

12
woh mohammad ke hain dasve'n jaanshee'n.
hujjte khallake akbar hain naqi.

13
mangi na bay'at adu ne aap se.
jante the misle sarwar hain naqi.

14
sher bhi qadmo me jin ke juk gaya.
ayse ik shere ghazanfar hain naqi.

15
de raha hai yeh gavaahi jehl bhi.
warise ilme payambar hain naqi.

16
qabr me navshad soja chain se.
tere haami roze mehshar hain naqi.

3
Janab Anees Abr sahab.

Niqhat e Ismat hai, Ambar haiN Naqi(as),
Gulshan E DeeN ke gul E Tar haiN Naqi(as),

Ilm O Hikmat ke samandar hai Naqi(as),
Fikr e Insaani se bahar haiN Naqi(as)...

Khouf e Mehshar ab nahi mujhko koi,
Roz e Mehshar mere Rehbar haiN Naqi(as)...

Ye bhi rehmat hai Payambar(saw) ki tarah,
Aur shuja'at meN bhi Hyder(as) haiN Naqi(as)...

Sher zinda kar diya qaaleen se,
Hazrat e Musa se bartar haiN Naqi(as)...

Qaid me rehkar bhi hai ye kaamyaab,
Har maraahil me muzaffar haiN Naqi(as)...

Chadar e Tatheer me shaamil hai ye,
Or kalaam e Rab meN Kausar haiN Naqi(as)...

KyuN na roushan ho shari'at deen ki,
Aasmaan e DeeN ke akhtar haiN Naqi(as)...

Waqt ka haakim bana hai gar yazeed,
Aap bhi to ibne Sarwar(as) haiN Naqi(as)...

Naam inka bhi Ali(as) rakhkha gaya,
Moujizaat e Rab ke mazhar haiN Naqi(as)...

Abr ye keh kar qalam ko rok de,
Waris e Ilm e Payambar haiN Naqi(as)...

-Anees Abr

خوشبوئے عصمت ہیں، عنبر ہیں نقیؑ
گلشنِ دیں کے گلِ تر ہیں نقیؑ

علم و حکمت کے سمندر ہیں نقیؑ
فکرِ انسانی سے باہر ہیں نقیؑ

خوفِ محشر اب نہیں مجھ کو کوی
روزِ محشر میرے رهبر ہیں نقیؑ

یہ بھی رحمت ہے پیمبرؐ کی ترح
اور شجاعت میں بھی حیدرؑ ہیں نقیؑ

شیر زندا کر دیا قالین سے
حضرتِ مساء سے برتر ہیں نقیؑ

قید میں رہ کر بھی ہے یہ کامیاب
ہر مراحل میں مظفر ہیں نقیؑ

چادرِ تطہیر میں شامل ہے یہ
اور کلامِ رب میں کوثر ہیں نقیؑ

کیوں نہ روشن ہو شریعت دین کی
آسمانِ دیں کے اختر ہیں نقیؑ

وقت کا حاکم بنا ہے گر یزید
آپ بھی تو ابنِ سرور ہیں نقیؑ

نام اِن کا بھی علیؑ رکھا گیا
معجزاتِ رب کے مظہر ہیں نقیؑ

ابرؔ یہ که کر قلم کو روک دے
وارثِ علمِ پیمبر ہیں نقی

4
Janab Masoom Najaf Maroofi sahab.

Sulh ki basti ke shabbar hai'n naqi
Ilm ki dunya ke Haidar hai'n naqi

Jehl ki zeenat nahi'n banna  hame'n
Ilmo danish ke samandar hai'n naqi

Ab na chhaye ga andhera dahr me
Shamye ilme dee'n ke Rahbar hai'n naqi

Baabe shahre ilm hai Haidar ki zaat
Warse ilme payambar hai'n naqi

Ye shuja'at me kisi se kam nahi'n
Misle abbase delawar hai'n naqi

Gulshane ahmad ke hai'n daswe'n gulab
Isliye sabse moa'attar hai'n naqi

Hurmala hairan hai ye dekhkar
Bachche bachche ke bhi andar hai'n naqi

Khaak me mil jaye'nge sare yazeed
Ek nahi'n pure bahattar hai'n naqi

Rijs aa sakta nahi'n inke qareeb
Dahr me itne motahhar hai'n naqi

Kaise ho do char lafzo'n me bayaa'n
Haidari sheer ghazanfar hai'n naqi

Ilm ki khushbu bikheri har taraf
Isliye gul me guletar hai'n naqi

Kaise kar lete bhala bai'at NAJAF
Hafize deene payambar hai'n naqi

5
Janab Mohammad Hussain Govani sahab.

Waaris.e ilme payambar** haiN naqi*,
Jaan.e zehra*, rooh.e Haider* haiN naqi*,

Gardan.e baatil pe khanjar haiN naqi*,
Yaa kahuN Shabbeer.o* Shabbar* haiN naqi,

Bandagi Sajjaad* si un meN mili,
Ilm meN Baaqir* ke paikar haiN baqi*,

Jafar.e saadiq* ka jalva un meN haiN,
Yaani sachchaaii ke mehvar haiN naqi*,

Musii e kaazim* ko un par naaz hai,
Khulq meN aHmad** ke paikar haiN naqi*,

Saltanat mashmhad meN un ke jad ki hai,
BaadshaahoN ke sikandar haiN naqi*,

Kya kahuN maiN baap ho jin ke jawaad*,
Woh hamaare dasveN Haider* haiN naqi*,

Askari* maula ke bhi waalid haiN woh,
Mat kaho ik fard..!, lashkar haiN naqi*,

Mahdi* batlaeNge awsaaf.e naqii*,
Ye sawaaban mere lab par haiN naqi,

6
Janab Syed Ghafir Rizvi sahab.

Baagh e Zahra ka gul e tar hai'n Naqi.
Maz'har e marziy e daawar hai'n Naqi.
🌹
Chaa'nd sooraj aa gaey deedar ko.
be tahasha yu'n munaw'war hai'n Naqi.
🌹
Misl e Haider makh'zan e ilm o hunar.
gouya shehr e ilm ka darr hai'n Naqi.
🌹
An'daleeb e gulsitaan e Mustafa.
Nik'hat e Zahraa e at'har hai'n Naqi.
🌹
Sochta hu'n haq'qe mid'hat ho ada.
Saya af'gan mere sar par hai'n Naqi.
🌹
Dam b'labb hai quw'wat e idraak bhi.
ilm ka esa samandar hai'n Naqi.
🌹
Sher bhi aa kar qadam bousi kare'n.
Ese narr sher e ghazanfar hai'n Naqi.
🌹
Sul'h ki manzil me akhlaaq e Hasan.
Jung ke maida'n me Haider hai'n Naqi.
🌹
Dushmano'n ki bolti kartey hai'n band.
ik akele hai'n p lashkar hai'n Naqi.
🌹
Fakhr e Musa hai'n qasam touret ki.
Hazrat e Eisa ke rehbar hai'n Naqi.
🌹
Lehn e Daaudi sada dene laga.
Mere har aahang ka darr hai'n Naqi.
🌹
Maj'maul behrein ki GHAFIR qasam.
Waris e ilm e payamber hai'n Naqi.
🌹

🌹
باغِ زہرا کا گلِ تر ہیں نقی
مظہرِ مرضیِ داور ہیں نقی
🌹
چاند سورج آگئے دیدار کو
بے تحاشہ یوں منوّر ہیں نقی
🌹
مثلِ حیدر مخزنِ علم و ہنر
گویا شہرِ علم کا در ہیں نقی
🌹
عندلیبِ گلسِتانِ مصطفےٰ
نکہتِ زہرائے اطہر ہیں نقی
🌹
سوچتا ہوں حقِّ مدحت ہو ادا
سایہ افگن میرے سر پر ہیں نقی
🌹
دم بَلَب ہے قوت ادراک بھی
علم کا ایسا سمندر ہیں نقی
🌹
شیر بھی آکر قدم بوسی کریں
ایسے نر شیرِ غضنفر ہیں نقی
🌹
صلح کی منزل میں اخلاقِ حسن
جنگ کے میداں میں حیدر ہیں نقی
🌹
دشمنوں کی بولتی کرتے ہیں بند
اک اکیلے ہیں پہ لشکر ہیں نقی
🌹
فخرِ موسیٰ ہیں قسم توریت کی
حضرتِ عیسیٰ کے رہبر ہیں نقی
🌹
لحنِ داؤدی صدا دینے لگا
میرے ہر آہنگ کا در ہیں نقی
🌹
مجمع البحرین کی غافر قسم
وارثِ علم پیمبر ہیں نقی

7
Janab Eram Mehdi sahab.

Haider o zahra ke dilbar hain naqi
Waris e ilm e payambar hain naqi

Chand Suraj aur sitare  charkh par
Noor se tere munawa hain naqi

Hain hamare aap ke daswen imam
Han shafiye rooz e mahshar hain naqi

Hu bahu haidar ki ye tasveer hain
Hamil e khulq e payambar hai naqi

Jis ki zaw se do jahan punoor hain
Taj e ismat ke wo gauhar hain naqi

Bekason ke qalb ki awaz hain
Zulm ki sine pe nashtar hain naqi

Hain jo jauhar haidar e karrar me
Aap me muzmar wo jauhar hain naqi

Malik e kausar hain yebhi, kiyun na hon
Saqi e kausar ke dilbar hain naqi

Kah rahe hain qaum ke peer o jawan
Jism o jan tumpar nichawar hain naqi

Jinko jinko aap se ulfat nahi
Dil nahi hain unme pathar hain naqi

Martaba quraan se pucho eram
Fikr se meri to bahar hain naqi

8
Janab Sharif Rizvi Sahab.

اسلئے دیں کا مقدر ہیں نقی
وارثِ علمِ پیمبر ہیں نقی

ذلت و رسوائ کچھ کا ہے نصیب
اور خدا کے دیں کا مفخر ہیں نقی

جہل پے ہیں وہ نہیں جنکا امام
فخر ہے ہمکو کہ رہبر ہیں نقی

جا نہیں سکتا کبھی خالی کوئ
اک سخاوت کا سمندر ہیں نقی

جن ہوں انساں ہوں یا ہو کوئ ملک
آپ کے گھر کے ہی نوکر ہیں نقی

کی مذمت غالیوں کی ہر جگہ
سینئہ غالی پے خنجر ہیں نقی

ہے جو مرحب کی طرح معتز اگر
دیکھ لے معتز بھی حیدر ہیں نقی

گر نہیں قسمت میں سامرّہ تو کیا
ہر علی والے کے گھر گھر ہیں نقی

لاکھ شارف ہوں اگر دشمن مِرے
فکر کیا جب میرے یاور ہیں نقی

Isliye dee'n ka muqaddar hai'n naqi
Warise ilme payambar Hai'n naqi

Zillato ruswaai kuch ka hai naseeb
Or khuda ke dee'n ka mafkhar hai'n naqi

Jahel pe hai'n wo nahi jinka imam
Fakhr hai Hamko ke rahbar Hai'n naqi

Ja nahi sakta kabhi khaali koi
Ek sakhawat ka samandar Hai'n naqi

Jin ho'n insa'n ho'n ya ho koi Malak
aap ke ghar ke hi naokar Hai'n naqi

Ki mazammat ghaaliyo'n ki har jagha
Seenaye ghaali pe khanjar Hai'n naqi

Hai jo marhab ki tarha motiz agar
Jaan le motiz bhi Haidar Hai'n naqi

Gar nahi qismat me samarrah to kya
Har Ali waale ke ghar ghar Hai'n naqi

Laakh shaarif ho'n agar dushman mere
Fikr kya jab mere yawar Hai'n naqi

9
Janab Qarnain ajmeri sahab.

🔹Waris e ilm e payambar hain Naqi

🔹Hoo ba Hoo Tasveer e haider Hain Naqi

🔹Majlis e shabbir barpa hai yahan

🔹Sath Zehra k mere ghar hain Naqi.

10
Janab Nazaa jafri sahab.

نور احمد(ص) سے منور ہیں نقی (ع)
بوئے حیدر(ع) سے معطر ہیں نقی(ع)

کہ رہا ہےدین اپنی آبرو_
کیا عجب نایاب گوہر ہیں نقی(ع)

جانے کس کس کا بناتےہیں نصیب_
جانے کس کس کا مقدر ہیں نقی(ع)

جس سے ہے ساری خدائ فیضیاب _
ایسی حکمت کا سمندر ہیں نقی(ع)

کیوں نہ دیں یہ دعوت فکر و عمل _
وارث علم پیمبر ہیں نقی(ع)

آینگی نزدیک کیسے مشکلیں_
مہرباں ہر وقت ہم پر ہیں نقی(ع)

نصرت شبیر میں بعد تقی(ع)
دسویں درجہ پر مقرر ہیں نقی(ع)

معجزن بھیگی ہوئ آنکھوں میں ہیں_
غمزدہ سینوں کے اندر ہیں نقی(ع)

صبر کیسے ہو تمہیں آنکھوں میں جب_
کربلا کے سارے منظر ہیں نقی(ع)

سب ہیں نازاں سب بلند اقبال ہیں_
آپ کے جو بھی سخنور ہیں نقی(ع)
        

11
Jabab Masoom haidari maroofi sahab.

🌺🌹TARHI KALAAM🌹🌺

Gardane baatil pe khanjar hai'n naqi

Waqt ke shabbeer o shabbar hai'n naqi
🌺
Inke sine me bhi hai azme husain

Har yazeedi ke liye dar hain naqi
🌺
Paas mere mushkile'n aayengi kya

Mere nigra'n har qadam par hain naqi
🌺TAZMEEN🌺👇🏼
Puchhna hai jo bhi in se puchh lo

Waarise ilme payambar hain naqi
🌺
Dekh kar be saakhta kahte hain log

Ahmade mursal ka paikar hain naqi
🌺
Nau imamo'n ke yehi hain jaanashi'n

Zeenate mehraab o mimbar hain naqi
🌺
Rahe haq se mai bhatak sakta nahi

Mere haadi mere rahbar hai'n Naqi
🌺
Har amal inka hai haidar ki tarah

Mufliso miskeen parwar hain naqi
🌺
Kya zoba'n kholu'n mai un ki shaan me

Mai hun ak qatra* samandar hain naqi
🌺
Maang lo MASOOM jo hai maangna

Ak sakhaawat ka samandar hain naqi.

Wassalaam,
-Anees Abr

Tarhi Misra: GULSHAN E IMAMAT ME PAANCHWA GULAAB AAYA, 6 April 2016

Tarhi Misra: GULSHAN E IMAMAT ME PAANCHWA GULAAB AAYA

Misra By: Janab Altaf Haidari Maroofi

Tarikh: 6 April 2016

Shoara Hazraat ke kalaam...

1
Janab Mohammad Govani sahab.

Faatema* ka laal aaya, ibne buu-turaab* aaya,

Shehr.e ilm ki Khaatir, eik aur baab aaya,

Bulbul.e shariyyat ne, jhoom kar kahaa deikho,

Gulshan.e imaamat meN, paaNchvaN gulaab aaya...

2
Janab Khateeb Haidar Sahab.

Matla 1

Raat kal mujhey aesa ek haseen khwaab aaya

Dekhker jisey mujhko lutf behisaab aaya

                2

Aasmaan pe mehfil saj rahi thi baqir ki

Aur ek malak meyra krne intekhaab aaya

                  3

Bazm e ibn e aabid me mujhko leke jaane ko

Zeen peeth PR baandhey arsh se Oqaab aaya

              4
        
Dosh pr hawao..n ke udd raha tha amber me

Qalb ko nahi lekin koi ijteraab aaya

            5

Jab mai pahuncha mehfil me dekha her sitarey ne

Khud musafaha karne mujhse maahtaab aaya

                6

Naam meyra nazim ne baad me kiya aylaan

Pahle uske hoontho..n pr mohtaram janab aaya

         7 Tazmeen

Sabke khil gaye chehre Maine jab padha misra

Gulshan e imamat me paanchwa gulaab aaya

             8

Khoob padh raha tha mai sher madh e baqir me

Daad dene mehfil me mujhko aftaab aaya

               9

Sher padhte padhte jab sookhne laga hulqoom

Saamne malak mere leke fauran aab aaya

         10 maqta

Naam hai Khateeb apna naam ka Asar dekho

Aasmani majme ko krne mai khitaab aaya.

3
Maulana Raza Maroofi Sahab.

🌹Fatema ke gulshan.par phir naya shabab Aaya.

Noor e ain ahmad ka ibn e butorab Aaya

Yun ali ke Aangan me                 🌹Aaj ek mohammad hai.

jaise mah e ismat ke ghar me mahtab Aya.

🌹Ilm ke jaha'n me ab inqelab Ayega

Aaj.phir zamane me waris e ketab Aaya.

🌹Sar utha na paye ga jahl ab qayamat tak.

Aaj ilm o danish ka aisa inqelab Aaya

🌹Sar jhukaye jo pahuncha darsgahe baqir me

Le ke ilm ka tohfa ho ke kamiyab Aaya.
🌹Rijs ke ghane badal pal me ho gaye kafoor

Aasman e ismat par jab ye Aaftab Aaya.

🌹Keun na bulbul e sidra Aaye farsh e geti par

Gulshan e imamat me pa'nchwa'n gulab Aaya.

🌹Aie raza qasida padh Aaj imam e baqir ka

Bad e marg marqad me mujh ko ye khetab Aaya.

4
Maulana Riyaz Haidar sahab.

Karne deen ki tafseer warise kitab aaya
Madrase nabuwat me ek naya nisaab aaya
Hikmato,n ka dar aaya rehmato,n ka baab aaya
Shaane deene paighambar jaane bu turaab aaya
Jibraeel le aao saath me qalam kaghaz
Ilm aur hikmat ka ek aur baab aaya
Phir bahaar aai he gulsitaane zahra me
Gulshane imamat ka panchwa gulaab aaya
Khatm teergi hogi jehl aur batil ki
Aasmaane azmat par Dee,n ka maahtaab aaya
Munaqid he jannat me mehfile musarrat aaj
Qudsiyaane jannat par ik naya shabab aaya
Naghma khwa,n hawae,n he,n shaad he,n bahaare bhi
Leke atr kalyo,n ka baagh me gulaab aaya
Karne jab chala midhat me imame baqir ki
Aaj mujh pa Huron,n ko payaar be hisaab aaya

5
Maulana Ghafir Rizvi Sahab.

🌹
Mustafa ke gulshan me rashk e aaftab aaya.
jis ke noor se har soo ik naya shabab aaya.
🌹
Ilm darr pe Baqir ke leke aa gaya kashkoul.
ahl e fann ki dunya me ilm ka sahaab aaya.
🌹
Maghfirat talab kar le aake fitrus e afkaar.
aalam e karam me aaj bakhshisho'n ka baab aaya.
🌹
Jis ko mur'sal e aazam khud salam kehtey hai'n.
Fatima ke aa'ngan me esa khush khitaab aaya.
🌹
Ismato'n ki khushbu se mehka qalb GHAFIR ka.
gulshan e imamat me pa'nchwa'n gulaab aaya.
🌹

6
Sadiqali Bijani Navshad.

wariae ketaab aaya ibe booturaab aaya.
gulshane imaamat me paanchva gulaab aaya.

shamsh or qamar jisko dekhte hi keh uth'the.
fakhre maahtab aaya fakhre aaftaab aaya.

mohtaram hai kaabe se jis ke paaun ki mitti.
shaqle mustafa me voh fir naya shabaab aaya.

ilm ko zaeefi me mil gai javani yun.
jis tarah zulaikha ka laut kar shabaab aaya.

muh chhupa ke baytha tha dar se shaam ka hakim.
ju'n hi bar sare mimbar sahebe khitaab aaya.

is liye mere dil ko yeh baher nahi bhaati.
SHAAD mere maqte me aaj fir hobaaab aaya.

7
Janab Altaf Haidari Marufi sahab.

Panchwa'n Ali lekar aisa inqelab aaya

Noor lene geti tk chal ke aaftab aaya
✨
Jehl ke andhero'n se Bu+lahab ye kahta tha

Abtari ke taano'n ka Aaj fir jawaab aaya
✨
Jald jake ay jabir do payaame paigambar

Gulshan e imamat me panchwa'n gulab aaya
✨
Markaze oloome haq chhod kar jo bhage the

Har nafas halaakat ka unpe izterab aaya
✨
Fitrate yazeedaan e waqt ho gayi larza'n

Hausle ko jab mere sheh ka ham+rakaab  aaya
✨
Jaise sangreze the abraha k lashkar pr

Daa'ishon pe bambaari ka hai yu'n Azab aaya
✨
Qabr me farishto'n se kah raha tha yu'n Altaf

Main dayaare faani se kar k ijtenab aaya

8
Jsnab Hasan Utrolvi sahab.

Manzil e haqeqat pe ek haseen khwaab aaya
Jugnuo'n ki basti me banke aaftaab aaya...
Wadiye muwaddat m khush bohoot huey bhanurey...
Gulshan e imamat me pancha gulaab aya ..

9
Janab Anees Abr Sahab.

Chashm e Khaliq e kul ka banke intekhaab aya,
Aasmaan e ismat par firse aaftaab aya...

Abr isliye khushboo do jahaaN me faili hai,
Gulshan e Imamat ka Paanchwa Gulaab aya...

10
Janab Nazaa Jafri sahab.

مصرعہ طرح پر چند اشعار بطور اصلاح پیش خدمت ہیں __

مصطفےٰو حیدر (ع) کی لیکے آب و تاب آیا __
جو بھی اس گھرانے میں آیا لا جواب آیا __

فاطمہ (س ع ) کے آنگن میں آمد محمد ( ص) سے __
بندگی پہ عابد (ع) کی اور بھی شباب آیا __

سب کی جھولیاں بھر کر بولیں ثانئ زہرا (س ع )
علم حق کو پھیلانے معرفت کا باب آیا __

محل میں امامت کے کیوں نہ پھر چراغاں ہو __
گلشن امامت میں پانچواں گلاب آیا __

کرکے شکر کا سجدہ صبر فخر سے بولا __
مات کھائی ظالم نے ظلم پر عتاب آیا __

اپنے بھائی کی مجلس کرکے گھر میں قاتل کے __
بولیں ثانئ زہرا (س ع ) کیسا انقلاب آیا __

کربلا نجف اشرف مشہد مقدس کی __
جس نے کی زیارت وه ہوکے کامیاب آیا __

کیا امام باقر (ع) کی منقیبت کہی نازاں __
آج تیرے حصے میں اجر بے حساب آیا __

    نازاں جعفری اجمیری

mustufa o haidar ki leke Aab o tab aaya __
jo bhi is gharane me aaya la jawab aaya __

fatem s.w ke aangan me aamad e mohammad s.w se __
bandagi pe Abid a.s ki aur bhi shabab aaya __

sab ki jholiya.n bhar ke bolee.n saniye zehra s.a _ _
ilme huq ko phelane maarefat ka bab aaya __

mehal me imamat ke kun na phir charagha.n ho __
gulshane imamat me panchwa.n gulab aaya __
kar ke shukr ka sajda sabr fakhr se bola __
mat khayi zalim ne zulm per itab aaya __

apne bhai ki majlis karke ghar me qatil ke __
bolee.n saniye zehra s.a kaisa inqelab aaya __

karbala Najaf ashraf mash.hade muqaddas ki __
jis ne ki ziyarat wo hoke kamyab aaya __

kya imam e baqar a.s ki manqabat kahi Nazaa __
Aaj tere hisse me Ajr be hisab aaya __

11
Jamab Najaf Masoom Marufi Sahab.

Arsh se zamee'n par ek aisa  aaftab aaya
Ilm ki zeya lene jis se maahtab aaya

Banke ilm ka saaya chha gaya har ek janib
Darmiyan zulmat ke aisa ek sahaab aaya

Khum me ho gaya sabit sab ke hai'n Ali maula
Munkare welayat par arsh se azaab aaya

Dekhkar malak mera shaad ho gaye chehra
Qabr ke marahil me jab mera hesaab aaya

Misle fatahe khaibar leke ilm ki khushbu
Gulshane imamat me panchwa'n gulaab aaya

12
Janab Masoom Haidari Maroofi sahab

Arsh hai mosarrat me k falak janaab aaya

Aur zameen naza'n hai
Ibne bu-toraab aaya
✨
Kyo na dam nikal jaye kufr ki khezao'n ka

Gulshane imamat me paanchawa'n gulab aaya
✨
Aamade mohammad se kufr yu'n paresha'n hai
Jis tarah sawa naize par ho aaftaab aaya
✨
Hon wo fitrus o rahib
Chaahe hazrate hur hon
In ke dar pe jo aaya hoke kaamiyab aaya
✨
Mansabe imaamat par jisne shak kiya us par

Aasmaan se paththar surate azaab aaya
✨
Naam jab mohammad
Ka lab pe aaya yusuf ke
Tab kahi'n zulaikha pe husn aur shabaab aaya
✨
Shaan ilme baaqar ki kis tarah likhe koyi

Eek mas'ala puchha saikdo'n jawaab aaya
✨
Sun lo ay jaha'n waalo kaun hai ye baghdaadi

Phir yazeed chehre pe daal kar naqaab aaya
✨
Tazkera aseero'n ka chha gaya zamaane par
Kya kahi'n bhi aansu se aisa inqalaab aaya
✨
Unke dar se ay MASOOM kaasa'e takhaiul me
Ilm ka khazaana mai leke be hisaab aaya

13. Janab Hassnain Maroofi Sahab

Gulshan e imamat me jab koyi gulaab aaya

Anjuman me kaanto,n ki aik izteraab aaya

Har sitam ke chehro,n ko noch lega  wo hasnain

Ilm apne seene me leke wo eqaab aaya

14. Janab Akmal Kopaganjvi Sahab

Gulshan.e imamat me pachwan gulab aya

Batne jahan ko ye ilm Be hisab aya

Karbala se zindan tak apne Bap ke hanrah

Zalimo ke chehre par dalne naqab aya
Akmal kopaganjavi

Wassalaam
-Anees Abr

Tarhi Misra: Kalaam E Shah E Ambiya Ka Tarjuma Batool(sa) hai..

Tarhi Misra: Kalaam E Shah E Ambiya Ka Tarjuma Batool(sa) hai..

Misra By: Janab Sadiq Ali Navshad Sahab.

Tarikh: April 2016

1. Janab Sadiq Ali Bijani sahab

barae aalmeen rahmate khuda batool hai.
zameeno aasmaano arsh ki bina batool hai.

khuda e azzo jal ke deen ki baka batool hai.
harek mushkilo'n me dee'n ka aasra batool hai.

sitaare'n aur chaand ko mile jaha'n se ravshni.
kitabe rab me noor ka voh silsila batool hai.

jukade aake anbiya saro'n ko apne jis jagah
zameen par voh baabe durre bebaha batool hai.

khuda khafa hai us se jis se bhi khafa batool hai.
kaho ke biz'ate janabe mustafa batool hai.

khadeeja aur mustafa ka aaina batool hai.
riza baraae qalbe shaahe dosara batool hai.

hai khaake paae murtaza dava harek marz ki.
magar ali ke marz ki bani dava batool hai.

imaame dosara hai haamile vahi e rab magar.
kalaame shaahe ambiya ka tarjuma batool hai.

mubaahele me tanha aurto'n me faatema gai.
nabi ki ahlebayt me faqat nisa batool hai.

khushi se SHAAD paar kar ke jaao tum bahisht me
pule seraat par tumhaari rehnuma batool hai..

2. Janan Altaf Haidari Maroofi Sahab

Zameen se bahisht tak ki sayyeda botool hai
Kaneeze laa makaan* binte mustafa* botool hai

Ali kalam e Rabbe zuljalaal ka hai Aa'ina
Kalam e shaahe ambiya ka tarjuma botool hai..

3. Maulana Ghafir Rizvi

🌹
Qalam raqam karega kya bhala ke kya Butool hai.
riyaz e khatm e ambiya ka zayecha Butool hai.
🌹
Dar e tasaw'wuraat pe safeer e dil ne di sada.
Mohab'bato'n ke dayre ki inteha Butool hai.
🌹
Naseem e sub'h e aafiyat chali hai kooey yaar me.
dayaar e dil me mojzan jagah jagah Butool hai.
🌹
Suroor e qalb e an'daleeb e baagh e ismati bani.
rumooz e marzi e khuda o ambiya Butool hai.
🌹
Kasafato'n se paak hai qasam khuda e paak ki.
Taharato'n ko fakhr esi tahera Butool hai.
🌹
Hisaar e in'nama yahi muraad e hal'ata yahi.
Haq ye hai rumooz e fouj e qul'kafaa Butool hai.
🌹
Yahi nabi ka qoul hai yahi aem'ma ka sukhan.
tuyoor e baagh e ismati ka aayena Butool hai.
🌹
Ye dukhtar e habeeb e rabb yahi hai maa Husain ki.
Zaban e ishq e kib'riya me Karbala Butool hai.
🌹
Defaa e haq me har sitam sahaa ha'nsi khushi ke sath.
Fezaa e ranj o gham me dee'n ka aasra Butool hai.
🌹
Hadees e biz'atun'nabi samajh me GHAFIR aa gayi.
kalam e shah e ambiya ka tarjema Butool hai.
🌹

4. Janab Mohammed Reza Maroofi Sahab

🌹Tamam rahbaran e haq ka rasta botool hai

Tsawwurat e Aadmi se mawara botool hai

🌹Nabi bataye'n ya ali bataye'n in ka martaba

Mowarrekhin keya baya'n karen ki keya botool hai

🌹Tamam khalq e kibriya kare na shukr keun ada

Tamam faiz e kibriya ka wasta botool hai.

🌹Mobahele ki dasta'n padhi to ye laga mujhe

Hai haq yahi ki fateh e mobahela botool hai

🌹Imam bhi sanwarte hain khud ko dekh kar jise

Qasam rasool e pak ki wo Aaina botool hai.

🌹Ajeeb ho gaya sama'n sabhi ali se phir gaye

Nabi ke bad bas ali ka Aasera botool hai

🌹Ye pucha jibraeel ne hai kaon markaz e kesa

To jibraeel se khida ne kah diya botool hai.

🌹Raza rasool e pak hain agar kalam e kibria

Kalam e shah e anbiya ka tarjuma botool hai.

5. Janab Masoom Haidari Maroofi

Qasam hai innama ki aisi taahera botool hai

Ali ki zaujiyat me rah ke faatema botool hai
🌺
Kahu'n na kyo rasool e haq ka aa'ina botool hai

Nabi ke naqshe pa pe tera naqshe paa batool hai
🌺
Zaba'n se kah diya lebaas aagya bahisht se

Teri reza me hi khuda ki bhi reza batool hai
🌺
Khada hai ehteraam me rasool kaynaat ka

Zamana faisala ye khud kare ke kya batool hai
🌺
Tumhara martaba koyi likhe to kis tarah likhe

Khuda ke tazkere me tera tazkera batool hai
🌺
Yahudi aurato'n se kalma e khuda padha liya

Nabi nahi hai par nabi ka aa'ina batool hai
🌺
Samajhni  hai nabi ki baat to inhe samajh lo tum

Kalaam e shaahe ambiya ka tarjuma batool hai
🌺
Qobool ho rahi hai jis ke waaste se har dua

Ai HAIDARI usi rasool ki dua batool hai

WassalaaM
-Anees Abr