[26/05/2017]
🌺 *BAZM-E-SHOARA* 🌺
SalamunAlaikum.
*MISRA BARAE QATA*
👇👇👇👇
*Rehmate rab ki hai pehchaan hilaale ramza'n.*
Qhafiya: 👉 *Pehchan*
Radeef : 👉 *Hilaale ramzan*
Misra by👉🏻 *Navshad Bijani*
Diye gae tarhi misre par shoara hazraat ke kalaam aur qata aap hazraat ke peahe khidmat hai......
1. Jb Fasih Ali Abbas sb
Kyun na niklega ba sad shaan hilal e ramzan.
Rahmat e rab ki hai pehchan hilaal e ramzan.
Banke elaan e mubarek jo ufaq par chamka..
Dekh kar khush hain musalman hilaal e ramza'n
2. Jb Zeeshan Aazmi sb
Phir huwa hum pe maherbaan hilaale ramazan
Yeh musalmano'n ki hai shaan hilale ramzan
Shaan o shaukat se yeh elaan hai bar auje falak
Rahmate rab ki hai pahchan hilale ramazan
Nafse ammara ko pamaal karega zeeshan
Momino'n ka hai dil o jaan hilale ramzan
3. Jb Kumail Nagri sb
*kiya nirali hai teri shaan hilale ramzan*
*Rahmate haq ki hai pehchaan hilale Ramzan*
*Sab ke sar sajdo'n me jhuk jate hai'n aamad se Teri*
*Zinda kardeta hai eimaan hilale ramzan*
💐💐💐💐💐💐💐💐
4. Jb Masoom Najaf Maroofi sb
1. Chha gaya abre meharbaan hilale ramzaan
Ab baras jhoom ke Faizaan hilale ramzaan
2. Ambiya ki bani pahchan hilale ramzaan
Is me nazil howa Quran hilale ramzaan
3. Nafse ammara pe jin logoN ne qaboo rakha
Hashr me hooN ge wah Zeeshan hilale ramzaan
4. Apne aamal liye aayeNge Tere dar pe
Is maheene sabhi insaan hilale ramzaan
5. Khol deta Hai sabhi baabe ejabat is maah
Rahmate rab ki Hai pahchan hilale ramzaan
6. Thi tamanna yahi mil Jaye Najaf mahe syaam
Mera pura huwa armaan hilale ramzaan
5. Jb Raheman Ali sb
Manao jashn ke aaya hai mehman hilale ramzan
Karenge sab milke tilavat e quraan hilale ramzan
Chalkegi ab sabhi masjide gunehgar namaziyo se
Rahemate rab ki hai pehchan hilale Ramzan
6. Jb Arshad Jalal sb
Sabab e quwwat e iman hilale ramzan
Yani hai tohfa e rehman hilale ramzan
Teri aamad ka hai ahsan hilale ramzan
Ham jo rab ke huye mehman hilale ramzan
Ghaur se dekhle shaitan hilale ramzan
Hai teri qaid ka ailaan hilale ramzan
Gard aalood jo taqo me rakhe rehte the
Tune khulwaye wo quraan hilale ramzan
Phir se aaya hai mere shauqe ibadat pe shabab
Dekh kar tujh ko meri jaan hilale ramzan
Masjidon me teri aamad ke bahut charche hain
Tu hi tu chhaya hai har aan hilale ramzan
Wo bhi masjid me chale aaye teri deed ke baad
Be namazi the jo insaan hilale ramzan
Momino ko ho mubarak ye khushi ki sa'at
Rehmat e rab ki hai pehchan hilale ramzan
Eid ki misl hai ye sajda guzaro ke liye
Qurbat e haq ka hai unwan hilale ramzan
Bas wahi log hain mehroom e ata e mabood
Jinko tera nahi irfan hilale ramzan
Chaak kar deta hai tehzeeb e ibadat ke liye
Tu gunaho ka girebaan hilale ramzan
Dawate taqwa o ima'n hai teri deed ka naam
Tujhse shaita'n hai pareshan hilale ramzan
Tune tayyar kiya rooh ki bedari se
Nafse ammara ka zindan hilale ramzan
Sura e noor ka hai noor tajlli me teri
Dil ka roshan hai shabistaan hilale ramzan
Sheesha e rooh ko shaffaf kiya hai tune
Ab khata ke nahi imkaan hilale ramzan
Dil pe is tarh se barsa hai teri deed ka abr
Mehka ima'n ka gulistan hilale ramzan
Gham manate hain tujhe dekh ke akhbari mizaj
Aise bhi kuch hain musalman hilale ramzan
Gulshan e Fatima zahara bhi tujhi me mehka
Aaye shabbar jo basd aan hilale ramzan
Tujh me hi lulu o marjaan ki tafseel mila
Tujhme nazil hua quran hilale ramzan
Tujhme hi nafse mohammad ne shahadat pai
Sehne kaba hua veeran hilale ramzan
Aayate apni yatimi pe bahut royi'n lahu
Qatl tujhme hua quran hilale ramzan
7. Jb Naushad Bijani sb
Roza gul rakhega or khaar karega iftaar.
Aysi baato'n se hai anjaan hilaale ramzaa'n.
Khaar ne ro ke kaha gul ne keha khush ho kar.
Rehmate rab ki hai pehchaan hilaale ramzaa'n.
8. Jb Ghazi sb
Kaisey likhkhu my teri Shaan hilaal e Ramzan
Tuu hai momin ki dil o Jaan hilaal e Ramzan
Aamad e maah e Mubarak se muwattar hai jahaa
Sajgayi masjidey har aan hilaal e Ramzan
Teri aamad ka qabar sab Ko sunaaney ke liye
Pehley aajata hai Shaban hilaal e Ramzan
Aisey chamkaa merey Taqdeer ka taara dekho
Bangayaa rabb ka my mehmaan hilaal e Ramzan
Sab imaamo mey ALI(as) jaisey hai sulta'n waisey
Sab maheeno ka hai sultaan hilaal e Ramzan
Is maheeney mey basad shauq my roza rakh kar
Paak karleta hoon eemaan hilaal e Ramzan
Baat sunkar ye dobaala huwi qushiyaa sabki
Bund hojaata hai shaitaan hilaal e Ramzan
Ab ibaadat mey mujhey aur mazaa aaney lagaa
Tuu hai yuu mujhpey meherbaan hilaal e Ramzan
Beynamaazii bhi namaazo Ko adaa karney lagey
Rehmat e rabb ki hai Pehchaan hilaal e Ramzan
Rehmatey aur badhaaney ke liye momin ki
Saath laaya hai tu qur'aan hilaal e Ramzan
Bakshwaalu terey sadqey mey gunaahey saarii
Ho na *"GAAZI"* Ko pasheymaan hilaal e Ramzan
9. Jb Zia Haidar sb
🌹🌹🌹🌹🌹
MominoN ke liye ek baar hai fir se aaya,
Leke khushiyoN bhari muskaan hilale ramzaan.
To padho khoob namaaz aur dua bhi maNgo,
Rahmate rab ki hai pehchan hilale ramzaan.
🌹🌹🌹🌹🌹🌹
10. Jb Altaf Haider Maroofi Sb
🌹🌹🌹🌹🌹🌹🌹🌹🌹
Jal gaya dekh k shaitan Helaal e Ramzan
Shaad tujh se Huwe imran helaal e Ramzan
Chaahe wo daure qadeemi ho.
k ho Aaj ka daur
Sab pe yaksa'n hai meharban Helaal e Ramzan
Ay khuda tuhi bata wo hai musalma'n kaisa
Dekh kr khaye jo pakwan Helaal e Ramzan
11. Jb Qambar sb
Masi'at ka nahi imkaan hilaal e Ramzan
Aaj jakra gaya shaytaan hilaal e Ramzan
Fiza mein phyel gaya noor barkatu wala
Rehmat e Rab ki hai pehchan hilaal e Ramzan.
12. Jb Hasnain Maroofi sb
🌹🌹🌹🌹🌹
Aao imaa,n ke ujaale me safar tai kar le
Rahmate rab ki hai pehchaan helaale ramza,n
Haq ibaadat ka jo karna tha adaa kar na sake
Is liye hum hai,n pashemaan helaale ramza,n
🌹🌹🌹🌹🌹
No comments:
Post a Comment