Tarhi Misra: Shaheed Hogaye Kazim(as) Reza(as) yateem huwe
Misra By: Janab Altaf Haidari Maroofi Sahab
Tarikh: April 2017
1.
Janab Kaifi Kalkatvi Sahab
Har ek soo hai ye charcha hai gham do alam mein
Hain woh jo waris e sher e khuda yateem huve
Falak pe girya kunaa'n hain hasan hussain o ali
Shaheed ho gaye kazim raza yateem huve
2.
Janab Zain Rizvi sahab
Ali ki jaan dil e mustafa yateem huye
Sitam hai waris e shaahe huda yateem huye
Phir ek baar dil e Fatima dukhaya gya
Shaheed ho gaye kazim raza yateem huye
3.
Janab Kumail Nagri Sahab
Fiza me gunji ye gham ki sada yateem huye
Sar apna pito waliye khuda yateem huye
Kiya hai zahre hilahill ne para'h para'h jigar
Shaheed hogaye kazim raza yateem huve
4.
Janab Naushad Bijani Sahab
Imaame waqt pe toota hai aasma'n gham ka.
Musibato ki huvi ibteda yateem huve.
Kaha yeh peet ke sar apna ehle imaa'n ne
Shaherd ho gae kazim raza yateem huve.
5.
Janab Faizul Hassnain sahab
Jaha'a me Waris e Karbobala Yateem hue,
Zameen royi Wali e Khuda Yateem hue,
Jafaa ye Zehre Halahal se ki hai zaalim ne,
Shaheed ho gaye Kazim, Raza Yateem hue..
Wassalaam.
No comments:
Post a Comment